.
હું તો એક નાનકડા દીકરાનું સપનું જોઈ બેઠી હતી,
મનની અંદર શાંતિથી એક ઈચ્છા સાચવી હતી…
પણ ભગવાને તો મારા માટે
કઈંક વધારે સુંદર લખ્યું હતું.
સી-સેક્શનની પીડા વચ્ચે,
થાકેલી આંખો અને ધબકતા શ્વાસ વચ્ચે,
જ્યારે પહેલી વાર તારો રડવાનો અવાજ સાંભળ્યો,
ત્યારે જાણે આખી દુનિયા થંભી ગઈ.
જ્યારે તને મારી છાતી પર મુકવામાં આવી,
તારા નાનકડા હાથએ મારી આંગળી પકડી,
એ પળે “દીકરો કે દીકરી” નો ભેદ જ ભૂંસી ગયો,
કારણ કે એ ક્ષણે હું ફક્ત “મમ્મી” બની ગઈ.
જીહાના…
તારા નાનકડા ચહેરામાં મને મારું આખું આકાશ દેખાયું,
તારા સ્પર્શમાં મને શાંતિ મળી,
અને મારા શરીરના દરેક ઘા પણ
આશીર્વાદ જેવા લાગવા લાગ્યા.
હવે મને સમજાયું —
ભગવાન ક્યારેય ખોટું આપતા નથી,
હું જેને માંગતી હતી એ નહીં,
પણ જેની મને સાચે જરૂર હતી, એ તેમણે મોકલી.
મારી વહાલી જીહાના…
તું ફક્ત મારી ગોદમાં નહીં આવી,
તું તો મારા દિલના સૌથી ઊંડા ખૂણામાં વસીને ગઈ,
અને તારી સાથે જ
મારી “માતૃત્વ” પૂર્ણ થઈ ગઈ.
No comments:
Post a Comment